«ტურინის იუვენტუსი» ალვარო მორატას გაფორმებას ცდილობს
ცნობილი იტალიელი სპორტული ჟურნალისტის ჯანლუკა დი მარციოს მიერ გავრცელებული ინფორმაციის თანახმად «ტურინის იუვენტუსი» მადრიდის «ატლეტიკოს» შემტევის, ალვარო მორატას, შეძენას კვლავ ცდილობს.წყაროს ინფორმაციით, ტურინელებს უკვე ჰქონდათ ესპანელი ფორვარდის გაფორმების მცდელობა, თუმცა მადრიდელებმა მორატას 50 მილიონი ევროს სანაცვლოდ გაყიდვა დაბლოკეს. ესპანური კლუბის მესვეურებს 27-წლის ფორვარდის სანაცვლოდ 150 მილიონი ევროს მიღება სურთ, რომელიც მორატას კონტრაქტში გამოსასყიდ თანხად არის მითითებული.
2019/20 წლების სეზონში ალვარო მორატამ «ატლეტიკოს» შემადგენლობაში 44 შეხვედრაში მიიღო მონაწილეობა, 16 გოლი გაიტანა და 4 შედეგიანი გადაცემა მიითვალა.
#Juventus | Nuovi contatti con l'#AtleticoMadrid per #Morata: la situazionehttps://t.co/9z3Uptvx4h
— Gianluca Di Marzio (@DiMarzio) September 21, 2020