ტაირონ ვუდლიმ ნეკნი გაიტეხა

ტაირონ ვუდლიმ ნეკნი გაიტეხა მსუბუქ წონაში UFC-ის ყოფილმა ჩემპიონმა, ტაირონ ვუდლიმ, ლას-ვეგასში მიმდინარე Fight Night 178 ტურნირზე კოლბი კოვინგტონთან ბრძოლა ნაადრევად დაასრულა. გავრცელებული ინფორმაციის თანახმად ვუდლიმ ნეკნი გაიტეხა.

მეხუთე რაუნდში ვუდლიმ გილიოტინით მახრჩობელა ილეთის გაკეთება სცადა, თუმცა როდესაც კოვინგტონმა პოზიცია შეცვალა მალევე ტკივილისგან დაიყვირა. მატჩის არბიტრმა ბრძოლა მალევე შეაჩერა.

UFC-ის ყოფილი ჩემპიონის გუნდმა დღეს რენტგენის სურათი გამოაქვეყნა, სადაც ნათლად ჩანს, რომ ვუდლის ნეკნი აქვს გატეხილი.

ტაირონ ვუდლიმ ნეკნი გაიტეხა

ESPN-თან ინტერვიუში ვუდლიმ განაცხადა, რომ მცირე ტკივილი იგრძნო, თუმცა მეხუთე რაუნდში მიხვდა, რომ ნეკნი გაიტეხა.

«ყველაზე ძლიერი ტკივილი იყო, რაც კი სიცოცხლეში მიგრძვნია», - განაცხადა ტაირონმა.

შეგახსენებთ, რომ კოვინგტონთან მარცხი ტაირონ ვუდლისთვის ზედიზედ მესამე წაგებაა. UFC-ს პრეზიდენტმა ვუდლის მიანიშნა, რომ დროა მებრძოლი კარიერის დასრულებაზე დაფიქრდეს.
MMA
ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.