«ლეიკერსმა» გამარჯვება მატჩის ბოლო წამებზე მოიპოვა

«ლეიკერსმა» გამარჯვება მატჩის ბოლო წამებზე მოიპოვა NBA-ს რეგულარული ჩემპიონატის პლეი-ოფის ნახევარ-ფინალური ეტაპის მეორე მატჩი გაიმართა «ლეიკერსსა» და «დენვერს» შორის. ძალიან დაძაბულ ბრძოლაში ლოს-ანჯელესის გუნდმა 105:103 მოიგო.

გამარჯვების ბურთი შეხვედრის ბოლო წამებზე ენტონი დევისმა ჩააგდო და ლოს ანჯელესის კლუბის ანგარიში სერიაში ორამდე გაზარდა.

აღსანიშნავია, რომ შეხვედრაში ყველაზე შედეგიანი სწორედ დევისი გახლდათ, რომლის ანგარიშზეც 31 ქულა, 9 მოხსნა და 2 ასისტია. «ლეიკერსის» რიგებში თავის გამოჩენა ლებრონ ჯეიმსმაც შეძლო. ამერიკელი კალათბურთელის მონაგარი 26 ქულა, 11 ართმევა და 4 შედეგიანი გადაცემაა.

ნაგეტსის შემადგენლობაში ყველაზე შედეგიანი იოკიჩი გახლდათ. სერბი კალათბურთელის მონაგარი 30 ქულა, 6 ართმევა და 9 ასისტია.

დენვერ ნაგეტსისა და ლოს ანჯელეს ლეიკერსის მორიგი დაპირისპირება 25 სექტემბერს თბილისის დროით 05:00 საათზე გაიმართება.

NBA პლეი-ოფი

1/2 ფინალური ეტაპი

მეორე მატჩი

«ლეიკერსი» — «დენვერი» — 105:103 (29:21, 31:29, 22:28, 23:25)

სერიის ანგარიში: 2-0
ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.