კოუტინიო: დიდ მოტივაციას ვგრძნობ

კოუტინიო: დიდ მოტივაციას ვგრძნობ კატალონიის ბარსელონას ნახევარმცველი ფილიპე კოუტინიო, 2020/2021 წლის საფეხბურთო სეზონის შესახებ საკუთარ პოზიციას აფიქსირებს. მისი განცხადებით, თითოეული მოთამაშე თავდაუზოგავად შრომობს, იმისათვის რომ გუნდმა საჭირო თამაში აჩვენოს.

"ძალიან მოტივირებული ვარ და დადებითი მოლოდინები მაქვს. მსურს, მიმდინარე სეზონში თავდაუზოგავად ვიშრომო, რათა მოედანზე წარმატებული გამოსვლა შევძლოთ. წინასასეზონო მოსამზადებელი პერიოდი ხანგრძლივი არ ყოფილა, მიუხედავად ამისა ყოველდღიურად ვპროგრესირებთ. სამწვრთნელო შტაბის მუშაობის ახალ მეთოდებს ვეჩვევით. წინ კიდევ ერთი კვირაა დარჩენილი, რათა სეზონის სტარტს შესაბამის კონდიციებში შევხვდეთ." - ციტირებს ფილიპე კოუტინიოს სიტყვებს გამოცემა Marca.

ფილიპე კოუტინიო, გასულ სეზონში არენდის ხელშეკრულების საფუძველზე მიუნხენის "ბაიერნის" შემადგენლობაში ასპარეზობდა. ამ გუნდთან ერთად ფილიპემ უეფას ჩემპიონთა ლიგა მოიგო და ისტორიული ტრებლი გაიფორმა. ფეხბურთელს "ბარსელონასთან" კონტრაქტი 2023 წლის 30 ივნისამდე აკავშირებს. ინტერნეტ-პორტალი transfermarkt-ი 28 წლის ბრაზილიელს, 56 მილიონ ევროდ აფასებს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.