ფაბრიციო რომანო: ნელსონ სემედუ "ვულვერჰემპტონში" მიემგზავრება

ფაბრიციო რომანო: ნელსონ სემედუ "ვულვერჰემპტონში" მიემგზავრება კატალონიის "ბარსელონას" ფეხბურთელი ნელსონ სემედუ, შესაძლებელია ინგლისის პრემიერ ლიგაში ვიხილოთ. მისი მომსახურებით "ვულვერჰემპტონია" დაინტერესებული. ხსენებულ სიახლეს, ცნობილი იტალიელი ჟურნალისტი ფაბრციო რომანო ავრცელებს.

წყაროს მტკიცებით, 19 სექტემბერს "მგლებმა" კატალონიელებს ახალი წინადადებით მიმართეს, რაზეც თანხმობა მიიღეს. ცნობილია, რომ პორტუგალიელი ფეხბურთელი პირადი ხელშეკრულების პირობებზე მალევე შეთანხმდება. რომანოს თქმით, უახლოეს საათებში სემედუს ტრანსფერი ოფიციალურად დადასტურდება. ასევე ოფიციალურად დადასტურდება არტურო ვიდალის გადასვლა მილანის "ინტერის" შემადგენლობაში - აღნიშნავს რომანო.

26 წლის ფეხბურთელი კატალონიის "ბარსელონას" შემადგენლობაში 2017 წელს გამოჩნდა. მანამდე იგი ლისაბონის "ბენფიკას" ღირსებას იცავდა. სატრანსფერო თანხამ 37.5 მილიონი ევრო შეადგინა. 2019/2020 წლების სეზონში სემედუმ 40 შეხვედრაში მიიღო მონაწილეობა. გაიტანა 1 გოლი და მიითვალა 6 შედეგიანი გადაცემა.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.