გვარდიოლა: აქ დარჩენა უნდა დაიმსახურო

გვარდიოლა: აქ დარჩენა უნდა დაიმსახურო მანჩესტერ "სიტის" მთავარი მწვრთნელი პეპ გვარდიოლა, ჟურნალისტებთან მიცემულ ინტერვიუში მის სამომავლო გეგმებზე საუბრობს. შეგახსენებთ, გვარდიოლას "ქალაქელებთან" კონტრაქტი 2021 წლის 30 ივნისამდე აკავშირებს. მისი განცხადებით იგი მოხარული იქნება, თუ "სიტის" რიგებში შემდეგ წლებშიც დარჩება.

"აქ დარჩენა დიდი ხნით მსურს. მანჩესტერ "სიტი" ძალიან მომწონს, მაგრამ აქ დარჩენის უფლება უნდა დავიმსახურო. ამ კლუბმა ბოლო ათწლეულის მანძილზე მნიშვნელოვან შედეგებს მიაღწია. ახალ სეზონში, ლაფში არ უნდა ჩავყოთ საკუთარი თავი. ვნახოთ რა მოხდება, ვიმსახურებ თუ არა აქ დარჩენას. ეს, რა თქმა უნდა, გუნდის მიერ დემონსტრირებულ შედეგებზე იქნება დამოკიდებული." - ციტირებს პეპ გვარდიოლას სიტყვებს გამოცემა Goal.

ინგლისის ჩემპიონატის მეორე ტურის მატჩი "ვულვერჰემტონსა" და მანჩესტერ "სიტის" შორის 21 სექტემბერს გაიმართება. შეხვედრა თბილისის დროით 23:15 საათზე აიღებს სტარტს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.