ლემპარდი: ჰავერცს დიდი მომავალი აქვს

ლემპარდი: ჰავერცს დიდი მომავალი აქვს ლონდონის "ჩელსის" მთავარმა მწვრთნელმა ფრენკ ლემპარდმა 21 წლის გერმანელი ნახევარმცველის, კაი ჰავერცის შესახებ ისაუბრა. შეგახსენებთ, "არისტოკრატებს" დღს ძალიან მნიშვნელოვანი შეხვედრა ელით. ინგლისის პრემიერ ლიგის 2-ე ტურში "ჩელსი" საკუთარ კედლებში "ლივერპულს" უმასპინძლებს.

”ვესაუბრე ჰავერცს და ძალიან გაკვირვებული დავრჩი. პირველივე წუთიდან მივხვდი, რომ ის დინჯი და პატიოსანი ადამიანია. ვფიქრობ, მას დიდი მომავალი აქვს.” - ციტირებს ლემპარდს სიტყვებს "ჩელსის" ოფიციალური ვებ-გვერდი.

კაი ჰავერცი, სულ რამდენიმე საათის წინ მიცემულ ინტერვიუში იურგენ კლოპის შესახებ საუბრობდა და შემდეგი შინაარსის განცხადებას აკეთებდა -"კლოპი უდიდესი სპეციალისტია აბსოლუტურად ყველა მნიშვნელობით. მან "ლივერპულში" ბევრს მიაღწია და ჩვენ შეგვიძლია მივულოცოთ, მაგრამ არა მგონია, რომ იგი ამით კმაყოფილდებოდეს. იმის საფუძველზე, რაც მე მის შესახებ ვიცი, შემიძლია ვთქვა, რომ იგი ჯერ კიდევ ტიტულებს მოწყურებულია და სურს, რაც შეიძლება მეტი გამარჯვება მოიპოვოს” - აღნიშნავდა გერმანელი ნახევარმცველი.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.