საინსი: მიღებული გადაწყვეტილების სისწორეში დარწმუნებული ვარ
"მაკლარენის" პილოტი კარლოს საინსი, ჟურნალისტებთან მიცემულ ინტერვიუში აცხადებს, რომ მას ირონიული დამოკიდებულება უჩნდება, ისეთი კომენტარების მოსმენის დროს, როდესაც მის ტრანსფერს "ფერარის" შემადგენლობაში, კითხვის ნიშნის ქვეშ აყენებენ.შეგახსენებთ, ფერარი მიმდინარე წელს სერიოზული პრობლემების წინაშე აღმოჩნდა. კონსტრუქტორთა დავაში ეს გუნდი მეექვსე პოზიციაზე იმყოფება. "მაკლარენი" კი - მესამეა. მიუხედავად "ფერარის" გუნდში არსებული პრობლემებისა, საინსი მიღებული გადაწყვეტილების სისწორეში დარწმუნებულია.
"მეცინება იმ ადამიანებზე, ვინც მე დამცინის მიღებული გადაწყვეტილების გამო, ასპარეზობა განვაგრძო "ფერარის" შემადგენლობაში. ეს დაუჯერებელი გრძნობაა. "ფერარის" ბოლიდის მართვა, ფორმულა 1-ის ბევრ პილოტს არ ღირსებია. ყველას ვისაც ჩემი გადაწყვეტილების სისწორეში ეჭვი ეპარება, ვეუბნები კატეგორიულ - "არას". წინ წარმოუდგენელი გამოცდილება მელის. აუცილებელია შესატყვისი მოთმინების გამოჩენა და რწმენის შენარჩუნება." - ციტირებს გამოცემა Mundo Deportivo კარლოს საინსის სიტყვებს.