ლუიშ კასტრო: "ინტერმა" დამსახურებულად მოიგო

ლუიშ კასტრო: "ინტერმა" დამსახურებულად მოიგო დონეცკის "შახტარის" მთავარი მწვრთნელი ლუიშ კასტრო, მილანის "ინტერთან" განცდილი მარცხის შემდეგ, პირველ კომენტარს აკეთებს. შეგახსენებთ, ევროპის ლიგის ნახევარფინალურ ორთაბრძოლაში იტალიურმა კლუბმა "შახტარი" გამანადგურებელი ანგარიშით 5-0 დაამარცხა და ფინალში ასპარეზობის უფლებაც მოიპოვა.

"პირველ ტაიმში "შახტარი" ცუდად არ გამოიყურებოდა, თუმცა "ინტერმა" შეძლო და ერთი მომენტი გამოიყენა. შანსები ჰქონდა მორაესსაც და მარკოს ანტონიოსაც, თუმცა სამწუხაროდ მათ გოლების გატანა ვერ მოახერხეს. ამ თამაშამდე ბრწყინვალე გზა განვლეთ. "ინტერთან" შეხვედრაში კი ძალიან ბევრი შეცდომა დავუშვით. 0:2-ის შემდეგ ჩვენმა გუნდმა სახე დაკარგა."

"უკრაინის ჩემპიონობა 23 ქულიანი უპირატესობით მოვიპოვეთ. გავედით ევროპის ლიგის ნახევარფინალში, კარგი სეზონი ჩავატარეთ, თუმცა ხალხს მაინც ეს მარცხი დაამახსოვრდება. ჩვენ წავაგეთ შესანიშნავ გუნდთან, რომელმაც ეს შედეგი სრულიად დაიმსახურა."
-აღნიშნავდა ლუიშ კასტრო უკრაინული ტელევიზიის (Футбол 1) ეთერში.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.
ზემოთ