Sport Bild: სერჟინიო დესტი მიუნხენის "ბაიერნში" იასპარეზებს
ამსტერდამის "აიაქსის" მარჯვენა განაპირა მცველი სერჟინიო დესტი შესაძლებელია, სულ მალე მიუნხენის "ბაიერნის" ფეხბურთელი გახდეს. მხარეები ოთხწლიანი კონტრაქტის პირობებზე შეთანხმდნენ. ამერიკელი უკანახაზელის ტრანსფერი ოფიციალურად სულ მალე დადასტურდება - იუწყება გამოცემა Sport Bild.აიაქსის აღზრდილმა ფეხბურთელმა, მთავარ გუნდში საკუთარი ძალები 2019 წელს მოსინჯა. 2019/2020 წლების სერჟინიომ 36 მატჩი ჩაატარა, ორი გოლი გაიტანა და ექვსი ასისტიც მიითვალა. ხსენებულ მცველს იძახებენ აშშ-ს ეროვნულ ნაკრებშიც. ნაციონალურ გუნდში მან უკვე მოასწრო სამი მატჩის გამართვა და ერთი შედეგიანი გადაცემითაც დაგვამახსოვრა თავი.
"აიაქსთან" არსებული ამჟამინდელი კონტრაქტი 2022 წლის ზაფხულამდეა გათვალისწინებული. ინტერნეტ-პორტალი Transfermarkt - დესტის ღირებულებას 18 მილიონ ევროდ აფასებს.
*** BILDplus Inhalt *** Alle Details zum Poker - Bayern einig mit Ajax-Star Dest! https://t.co/IG28MdRcWs
— BILD FC Bayern (@BILD_Bayern) September 18, 2020