MVP-ს ტიტულის გამოკითხვის შედეგებმა ლებრონ ჯეიმსი განარისხა

MVP-ს ტიტულის გამოკითხვის შედეგებმა ლებრონ ჯეიმსი განარისხა «ლეიკერსის» ფორვარდმა და NBA-ს ერთ-ერთმა საუკეთესო კალათბურთელმა Sportsnet-თან მიცემულ ინტერვიუში განაცხადა, რომ NBA-ს 2019/20 წლების სეზონის ყველაზე ღირებული კალათბურთელის წოდების გამოკითხვის შედეგებით უკმაყოფილოა.

Sportsnet-ის კორესპონდენტის მაიკ ტრუდელის თქმით ლებრონ ჯეიმსმა განაცხადა, რომ გამოკითხვის შედეგებით უბრალოდ განრისხებულია, რადგან პირველი ადგილისთვის ბრძოლაში ხმების მცირე რაოდენობა მიიღო (16 ხმა).

სიბრაზის მიუხედავად ლებრონ ჯეიმსი იანის ადეტოკუნბოს მიმართ, რომელიც გამოკითხვის შედეგებით გამარჯვებული გახდა, კომპლიმენტებს არ იშურებს.

ამერიკელი კალათბურთელი აღნიშნავს, რომ «მილუოკის» ბერძენმა სპორტსმენმა შესანიშნავი სეზონი ჩაატარა. მიუხედავად თქმულისა, ლებრონ ჯეიმსი აღნიშნავს, რომ გამოკითხვის შედეგები რეგულარულ ჩემპიონატში მიმდინარე მოვლენებს არ შეესაბამებოდა.

აღსანიშნავია, რომ ადეტოკუნბომ NBA-ს ყველაზე ღირებული კალათბურთელის წოდება ზედიზედ მეორეჯერ მოიპოვა, ხოლო ლებრონი მეორე ადგილზე გავიდა.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.