რაფაელ ნადალი რომის ტურნირის მეოთხედ-ფინალში გავიდა

რომში მიმდინარე ATP-ის ტურნირზე 1/8 ფინალური ეტაპის მატჩი გაიმართა სერბ დუშან ლაიოვიჩსა და ესპანელ რაფაელ ნადალს შორის. 34-წლის ჩოგბურთელმა მეტოქე ორ სეტში ანგარიშით 6:1, 6:3 დაამარცხა და მეოთხედ-ფინალში გავიდა.

შეხვედრა 1:31 საათი გაგრძელდა. რაფაელ ნადალის ანგარიშზე 2 ეისი და 1 ორმაგი შეცდომაა. ესპანელმა ჩოგბურთელმა ზედიზედ 8 გეიმი მოიგო და 4-დან 2 ბრეიკ პოინტი მოიგერია. სერბმა დუშან ლაიოვიჩმა 1 ეისი შეასრულა და 4 ორმაგი შეცდომა დაუშვა.

რაფაელ ნადალი 1/4 ფინალურ ეტაპზე არგენტინელ დიეგო სებასტიან შვარცმანს დაუპირისპირდება. შეხვედრა 19 სექტემბერს თბილისის დროით 22:30 საათზე დაიწყება.

რომი, იტალია

ATP Internazionali BNL d'Italia ტურნირი

საპრიზო ფონდი: 3 465 045 ევრო

ღია კორტები, გრუნტი

მესამე წრე

რაფაელ ნადალი (ესპანეთი, 2) — დუშან ლაიოვიჩი (სერბეთი) — 6:1, 6:3