პეპ გვარდიოლა: «მესი — იმ კლუბშია, რომელიც მიყვარს»

პეპ გვარდიოლა: «მესი — იმ კლუბშია, რომელიც მიყვარს» გამოცემა AP-თან ინტერვიუში «მანჩესტერ სიტის» მთავარმა მწვრთნელმა ხოსეპ გვარდიოლამ ლიონელ მესისთან დაკავშირებით განვითარებულ მოვლენებზე ისაუბრა და განაცხადა, რომ არგენტინელმა გასაგებად ახსნა თავისი გრძნობები.

შეგახსენებთ, რომ ჩემპიონთა ლიგის 1/4 ფინალურ ეტაპზე «მიუნხენის ბაიერნთან» გამანადგურებელი მარცხის შემდეგ, ლიონელ მესის კატალონიური კლუბის დატოვების სურვილი გაუჩნდა, რაზეც კლუბის ხელმძღვანელობას ოფიციალური შეტყობინებაც კი გაუგზავნა.

ზაფხულში ვრცელდებოდა ინფორმაცია, რომ თუ 33-წლის არგენტინელი «ბარსელონას» დატოვებდა ის კარიერას «მანჩესტერ სიტიში» გააგრძელებდა, თუმცა საბოლოოდ მესიმ კატალონიაში დარჩენა გადაწყვიტა და გარიგებაც არ შედგა.

ვფიქრობ, ლეომ გასაგებად ახსნა საკუთარი გრძნობები, მე მეტს ვერაფერს დავამატებ. ის ბარსელონას ფეხბურთელია, კლუბის რომელიც მიყვარს, მეტი არაფერი მაქვს სათქმელი», - პეპ გვარდიოლას სიტყვებს ციტირებს AP-ი.

კითხვაზე ეცდება თუ არა «მანჩესტერ სიტი» 2020/21 წლების დასრულების შემდეგ ლიონელ მესის, როგორც თავისუფალი აგენტის, გაფორმებას გვარდიოლა პასუხობს: «არ ვიცი»

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.