Goal: ნაგელსმანი პეპ გვარდიოლას შესახებ საუბრობს

Goal: ნაგელსმანი პეპ გვარდიოლას შესახებ საუბრობს საფეხბურთო კლუბ "ლაიპციგის" მთავარი მწვრთნელი იულიან ნაგელსმანი, ჟურნალისტებთან მიცემულ ინტერვიუში მანჩესტერ "სიტის" მარცხს გამოეხმაურა. შეგახსენებთ, უეფას ჩემპიონთა ლიგის მეოთხედფინალურ პაექრობაში "ლიონმა" ინგლისური გრანდი ანგარიშით 3:1 დაამარცხა და ნახევარფინალის საგზურიც მოიპოვა.

"ამ მატჩში, პეპ გვარდიოლას გაწეული სამუშაოს შეფასება, არ შემიძლია. რადგანაც არ მაქვს ინფორმაცია, რამდენად ხშირად ვარჯიშობდა ეს გუნდი სამ მცველიანი ტაქტიკით. ნებისმიერ შემთხვევაში ამ სქემაში რაღაც სირთულეები არ შეინიშნებოდა. 4-3-3 ან 3-4-3 სისტემა, არ ვფიქრობ, რომ ასეთი მნიშვნელობის მქონე იყოს კევინ დე ბრუინისათვის. ბოლოს და ბოლოს ყველაფერი ინდივიდუალურ სიტუაციამდე დადის, უბრალოდ ყველაფერს ტაქტიკურ გადაწყვეტილებებს აბრალებენ. გვარდიოლას ეს თამაში, რომ მოეგო ყველა იტყოდა -"ეს არის მსოფლიო დონის ტაქტიკა, ახლა მან ყველა გააოცა." ყოველთვის ასე ხდება"-ციტირებს იულიან ნაგელსმანის სიტყვებს გამოცემა Goal

შეგახსენებთ, ჩემპიონთა ლიგის ნახევარფინალურ ორთაბრძოლაში "ლიონი" მიუნხენის "ბაიერნს" დაუპირისპირდება. 19 აგვისტოს ჩანიშნული შეხვედრა სტარტს თბილისის დროით 23:00 საათზე აიღებს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.