ტონი ფერგიუსონი UFC 254 ტურნირზე არ გამოვა

ტონი ფერგიუსონი UFC 254 ტურნირზე არ გამოვა UFC-ს პრეზიდენტმა დანა უაითმა გამოცემა MMA Junkie-თვის მიცემულ ინტერვიუში აღნიშნა, რომ UFC 254 ტურნირზე ტონი ფერგიუსონი არ იასპარეზებს, რადგან თავად მებრძოლს არ აქვს ბრძოლის სურვილი.

«ჩვენ არაერთხელ გავუგზავნეთ ტონის გუნდს მოთხოვნა. მე პირადად ვურეკავდი მას. თუ სპორტსმენს ბრძოლა უნდა მას აუცილებლად ექნება ბრძოლა. ახლა ის დრო არ არის, რომ ვინმეს რამე ვაიძულოთ. ჩვენ სხვა მებრძოლს ვიპოვით», — დანა უაითის სიტყვებს ციტირებს MMA Junkie

შეგახსენებთ, რომ UFC 254 ტურნირის ჩატარება აბუ-დაბიში 24 ოქტომბერს არის დაგეგმილი. ტურნირის მთავარი ივენთი ხაბიბ ნურმაგომედოვისა და ჯასტინ გეტჯის ბრძოლა იქნება.

გაცნობებთ, რომ ტონი ფერგიუსონის სავარაუდო მეტოქედ დასტინ პორიეს მოიაზრებდნენ, თუმცა საბოლოოდ ბრძოლა არ შედგა, რადგან როგორც გაირკვა პორიემ UFC-თან გასამრჯელოსთან დაკავშირებით შეთანხმებას ვერ მიაღწია.

» წყარო

MMA
ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.