სერჟინიო დესტისთვის ბრძოლაში მიუნხენის "ბაიერნი" ჩაერთო

სერჟინიო დესტისთვის ბრძოლაში მიუნხენის "ბაიერნი" ჩაერთო ამსტერდამის "აიაქსის" უკანახაზელის, სერჟინიო დესტის ტრანსფერისათვის ბრძოლაში მიუნხენის "ბაიერნი" ჩაერთო. ამის შესახებ ინფორმაციას, ცნობილი იტალიელი ჟურნალისტი ფაბრიციო რომანო ავრცელებს. წყაროს თანახმად, "რეკორდმაისტერის" მთავარი მწვრთნელი ჰანსი ფლიკი, ისევეა დაინტერესებული ხსენებული ფეხბურთელის მომსახურებით, როგორც რონალდ კუმანი.

"ბარსელონა" დესტის წარმომადგენლებთან კონტაქტზე იმყოფება, თუმცა ტრანსფერის განხორციელებამდე, მათ რამდენიმე საქმის დასრულება ესაჭიროებათ, მაგალითად სემედუს გაყიდვა - აცხადებს ჟურნალისტი. რაც შეეხება მიუნხენის "ბაიერნს", 19 წლის ფეხბურთელი მათი პრიორიტეტული სატრანსფერო სამიზენა - ამის შესახებ BILD-ის ჟურნალისტი კრისტიან ფალკი წერს.

სერჟინიო დესტი, 19 წლის მარჯვენა განაპირა მცველია. ჰოლანდიურ კლუბთან მისი მოქმედი კონტრაქტი 2022 წლის 30 ივნისამდეა გათვალისწინებული. ინტერნეტ-პორტალი transfermarkt-ი აღნიშნულ ფეხბურთელს 18 მილიონ ევროდ აფასებს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.