შეთანხმება მიღწეულია — კუმანი 3 წლიან კონტრაქტს აფორმებს
ცნობილი სპორტული ჟურნალისტი, ნიკოლო შკირა, ტვიტერის საკუთარ გვერდზე იტყობინება, რომ ჰოლანდიის ეროვნული ნაკრების მთავარი მწვრთნელი რონალდ კუმანი კატალონიის «ბარსელონასთან» 3 წლიან კონტრაქტს მოაწერს ხელს.Done deal! Ronald #Koeman has agreed personal terms with #Barça to become the new manager of #Barcelona. Ready 3-year contract. #transfers #FCB
— Nicolò Schira (@NicoSchira) August 17, 2020
წყაროს ინფორმაციით 57 წლის სპეციალისტს ოფიციალურად ამ კვირაში წარადგენენ. კატალონიელთა ხელმძღვანელობა მიიჩნევს, რომ კუმანი მთავარი მწვრთნელის პოსტზე საუეთესო კანდიდატია.
2019 წლის შემოდგომაზე ცნობილი გახდა, რომ ჰოლანდიის სამეფო საფეხბურთო კავშირთან ხელშეკრულებაში წერია პუნქტი, რომლის მიხედვითაც რონალდ კუმანს ევრო 2020-ის შემდეგ ნაკრების დატოვების უფლება აქვს, თუ შემოთავაზებას კატალონიელებისგან მიიღებს.
შეგახსენებთ, რომ 57 წლის სპეციალისტი წარსულში ბარსელონაში ლუის ვან გაალის ასისტენტად მუშაობდა.