მაიკლ მასი: პილოტები დამსახურებულად დაჯარიმდნენ

მაიკლ მასი: პილოტები დამსახურებულად დაჯარიმდნენ საერთაშორისო საავტომობილო ფედერაციის პრეზიდენტი მაიკლ მასი, კომენტარს აკეთებს იმ სანქციებზე, რაც დანიელ კვიატს ("ალფა ტაური") და სერხიო პერესს ("რეისინგ პოინტ"), ესპანეთის გრან-პრის მსვლელობის დროს დაუწესდათ. ორივე ხსენებული პილოტი დაჯარიმებულ იქნა ლურჯი ალმის იგნორირებისათვის და თითოეული მათგანის ფინალურ რეზულტატს 5-5 წამი დაემატა. ამის შედეგად, პერესმა მეოთხე პოზიციის ნაცვლად, მეხუთე ადგილზე გადაინაცვლა.

"სერხიო პერესი და დანილ კვიატი ძალიან დიდი ხნის მანძილზე არ რეაგირებდნენ ლურჯ ალმებზე. ეს იყო განხილული ორივე პილოტთან, მანამ სანამ გრან-პრი დაიწყებოდა. ჩვენ მკაცრად გავამახვილეთ ყურადღება და აღვნიშნეთ, რომ ამ სეზონში ლურჯი ალმების მნიშვნელობას განსაკუთრებული როლი დაეთმობოდა. "

"ესპანეთში ასეთი დარღვევა პიველად დაფიქსირდა. შედეგად, ეს ორი მრბოლელი დავაჯარიმეთ. წესდებაში წერია, რომ ავტომობილი, რომელიც გეწევა პირველივე შესაძლებლობის დროს უნდა გაატარო. ეს ფორმულირება გარკვეული თავისუფლების ზღვარს ადგენს, რაც თავისმხრივ გონიერი გადაწყვეტილების მიღებაში გვეხმარება. პერესის და კვიატის შემთხვევაში, ორივემ დაშვებული ზღვარი გადაკვეთა."

"სტიუარდებთან ამ თემაზე ვისაუბრე. ჩემი აზრით პილოტებს დამსახურებული სასჯელი დაუწესდათ. მე უკვე დამიკავშირდა რამდენიმე გუნდის ხელმძღვანელი და მათ ერთხმად აღნიშნეს, რომ მოხარულები არიან რეალური ჯარიმის ხილვით, ხსენებული წესის იგნორირებისათვის."
-ციტირებს გამოცემა RaceFans მაიკლ მასის სიტყვებს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.