ლუის ჰემილტონს არ დააჯარიმებენ

ლუის ჰემილტონს არ დააჯარიმებენ BBC მიერ გავრცელებული ინფორმაციის თანახმად, «ტოსკანის გრან-პრის» დაწყებამდე გამართული აქციისთვის «მერსედესის» პილოტს, ლუის ჰემილტონს, საერთაშორისო საავტომობილო ფედერაცია (FIA) არ დააჯარიმებს.

როგორც ჩვენ საიტზე გამოქვეყნებულ სტატიაში გაცნობეთ ლუის ჰემილტონმა მაისური ჩაიცვა, რომელზეც ეწერა: «დააკავეთ პოლიციელები, რომლებმაც ბრიონა ტეილორი მოკლეს».

აღნიშნულმა აქციამ ფორმულა 1-ის ხელმძღვანელობაში უკმაყოფილება გამოიწვია, რადგან სამეფო რბოლებში დაუშვებელია ნებისმიერი პოლიტიკური ხასიათის განცხადების გაკეთება. ასევე აღსანიშნავია, რომ მომხდარ ინციდენტზე გამოძიება ჯერ კიდევ არ დასრულებულა.

შესაბამისად იყო საფრთხე, რომ FIA-ს ლუის ჰემილტონი დაეჯარიმებინა, თუმცა BBC-ს ცნობით საერთაშორისო საავტომობილო ფედერაციამ ბრიტანელი მრბოლელის წინააღმდეგ გამოძიება არ დაიწყო.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.