ოფიციალურად: მარსელო ბიელსამ კონტრაქტი გაახანგრძლივა

ოფიციალურად: მარსელო ბიელსამ კონტრაქტი გაახანგრძლივა "ლიდსის" მთავარმა მწვრთნელმა მარსელო ბიელსამ კლუბთან ახალი კონტრაქტი გააფორმა. ამის შესახებ ინფორმაციას, ბრიტანული კლუბის ოფიციალურ ვებ-გვერდზე ვკითხულობთ.

არგენტინელი სპეციალისტი გუნდთან მუშაობას მომავალ სეზონშიც შეძლებს. მისი ახალი ხელშეკრულება 2021 წლის ზაფხულამდე იქნება ძალაში.

ბიელსამ ლიდსის მთავარი მწვრთნელის პორტფელი 2018 წელს ჩაიბარა. პირველ სეზონში, პრემიერ ლიგის საგზურის მოპოვებასთან გუნდი ძალიან ახლოს იყო, თუმცა ჩემპიონატის პლეი-ოფის ნახევარფინალში დამარცხდა. ბოლო კამპანიის დროს, გუნდმა ჩემპიონშიპის პირველი ადგილი დაიკავა და უმაღლეს ჩემპიონატში დაწინაურებაც მოახერხა.

ინგლისის პრემიერ ლიგის პირველ ტურში "ლიდსი" საფეხბურთო კლუბ "ლივერპულს" დაუპირისპირდება. "ენფილდზე" ჩანიშნული შეხვედრა 12 სექტემბერს, თბილისის დროით 20:30 საათზე აიღებს სტარტს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.