ნიკოლო სკირა: "ლიდს იუნაიტედი" ჯორდან ლუკაკუს ტრანსფერით ინტერესდება
საფეხბურთო კლუბ რომის "ლაციოს" მცველი ჯორდან ლუკაკუ, შესაძლებელია ინგლისის პრემიერ ლიგაში ვიხილოთ. 26 წლის ფეხბურთელის მომსახურებით "ლიდს იუნაიტედია" დაინტერესებული. ხსენებულ სიახლეს, ცნობილი სპორტული მიმომხილველი ნიკოლო სკირა, სოციალური ქსელის მეშვეობით გვამცნობს.ლუკაკუ "არწივების" შემადგენლობაში 2016 წლიდან თამაშობს. მანამდე იგი "ოსტანდეს" ღირსებას იცავდა. იმ პერიოდში გარიგების თანხამ 4 მილიონი ევრო შეადგინა. მთლიანობაში, მან რომის "ლაციოს" შემადგენლობაში 85 მატჩი ჩაატარა. გაიტანა 1 გოლი და მიითვალა 8 შედეგიანი გადაცემა.
2019/2020 წლის სეზონში ბელგიელმა ფეხბურთელმა ძირითად შემადგენლობაში კუთვნილი ადგილი დაკარგა. ამის მიზეზი ლუკაკუს ხშირი ტრავმიანობა იყო. გასულ წელს, იგი მოედანზე მხოლოდ 12-ჯერ გამოჩნდა. ეროვნული ნაკრების რიგებში მის ანგარიშზე 8 ორთაბრძოლაა აღნიშნული.
ლუკაკუს რომის "ლაციოსთან" ხელშეკურლება 2022 წლის 30 ივნისამდე აკავშირებს. გამოცემა Transfermarkt ხსენებულ უკანახაზელს 4 მილიონ ევროდ აფასებს.
#Leeds are interested in #Lazio’s left fulback Jordan #Lukaku. Opened talks. #transfers #LUFC
— Nicolò Schira (@NicoSchira) September 11, 2020