მოურინიო: ჩვენ ვიცავთ ამ პრინციპებს
ფეხბურთის პორტუგალიელი სპეციალისტი ჟოზე მოურინიო, რომელიც მოცემულ მომენტში "ტოტენჰემის" შემადგენლობაში გვევლინება, ლიონელ მესის გარშემო განვითარებულ მოვლენებზე საუკუთარ პოზიციას აფიქსირებს. მისი განცხადებით, "ტოტენჰემი" სხვა ინგლისური კლუბებისაგან განსხვავებით, ფინანსური Fair Play-ს აქტიური დამცველია."ტოტენჰემ ჰოტსპური პატივს სცემს ეგრედ წოდებული ფინანსური Fair Play-ს წესს. ლიონელ მესის შეეძლო მხოლოდ ისეთ კლუბში გადასულიყო, რომელიც ზემოხსენებულ წესს უგულვებელყოფს. ეს ნამდვილად არ ეხება ჩემს გუნდს." - აცხადებდა მოურინიო გამოცემა JOE-სთან საუბრის დროს.
შეგახსენებთ, მას შემდეგ რაც ლიონელ მესიმ კატალონიის "ბარსელონას" დატოვება გადაწყვიტა კლუბის ხელმძღვანელობამ გამოაცხადა, რომ მესის მხოლოდ პირგასამტეხლოს გადახდის (700 მილიონი ევრო) შემთხვევაში გაუშვებდა. რომელიმე სხვა კლუბის მხრიდან, ხსენებული თანხის გადახდა კი ეწინააღმდეგებოდა ფინანსური Fair Play-ს პრინციპებს.