სტეფან ელ შაარავისთვის რამდენიმე კლუბი იბრძვის

სტეფან ელ შაარავისთვის რამდენიმე კლუბი იბრძვის ცნობილი სპორტული ჟურნალისტის ნიკოლა სკირას მიერ გავრცელებული ინფორმარციის თანახმად შანხაი შენხუას ფორვარდით სტეფან ელ შაარავით ევროპის რამდენიმე გრანდია დაინტერესებული.

ტვიტერის საკუთარ გვერდზე გავრცელებული პოსტით ნიკოლა სკირამ გვამცნო, რომ 27 წლის იტალიელით «პსჟ», «ლონდონის არსენალი» და «რომა» ინტერესდებიან. აღსანიშნავია, რომ ევროპულმა კლუბებმა უკვე გამოითხოვეს ინფორმაცია ფეხბურთელის ძმისგან მანუელ ელ შაარავისგან, რომელიც ამავდრულად იტალიელის აგენტიცაა.


27 წლის ფორვარდს მოქმედი კონტრაქტი შანხაისთან 2022 წლამდე აქვს გაფორმებული. Transfermarkt-ის ინფორმაციით ელ შაარავის მიმდინარე სატრანსფერო ფასი 12 მილიონ ევროს შეადგენს.

2019/20 წლის სეზონში შანხაი შენხუას შემადგენლობაში იტალიელმა თავდამსხმელმა 6 შეხვედრა ჩაატარა და 1 შედეგიანი გადაცემით გამოირჩა.
ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.