ლუი ვან გალი: დეპაი ნიჭიერია, თუმცა...

ლუი ვან გალი: დეპაი ნიჭიერია, თუმცა... მანჩესტერ "იუნაიტედისა" და ჰოლანდიის ეროვნული ნაკრების ყოფილი მთავარი მწვრთნელი, ლუი ვან გალი გამოცემა Tuttomercatoweb-თან მიცემულ ინტერვიუში, მემფის დეპაის შესახებ საუბრობს. შეგახსენებთ, "ლიონის" შემტევის ტრანსფერით, კატალონიის "ბარსელონაა" დაინტერესებული. როგორც ცნობილია, რონალდ კუმანს პირადად სურს ჰოლანდიელი ფეხბურთელის დამატება.

"დეპაი საინტერესო ფეხბურთელია, თუმცა ძალიან მნიშვნელოვანია, იმის გააზრება, რომ რთულია ადაპტირება მოახერხო ახალ კულტურასთან და ახალ გუნდთან. განსაკუთრებით, რთული იქნება პირველი წელი. შეხედეთ მატიას დე ლიხტს და ფრენკი დე იონგს. დეპაის, რა თქმა უნდა, ტალანტი გააჩნია, თუმცა იგი არ არის არც ლიონელ მესი და არც კრიშიტიანუ რონალდუ." - აცხადებს გამოცდილი სპეციალისტი.

მემფის დეპაიმ "ლიონთან" კონტრაქტი 2017 წელს გააფორმა. ხელშეკრულება 2021 წლის 30 ივნისამდეა გათვალისწინებული. ინტერნეტ-პორტალი Transfermarkt აღნიშნულ მოიერიშეს - 44 მილიონ ევროდ აფასებს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.