სებასტიან ფეტელი: ძალიან გაგვიჭირდება

სებასტიან ფეტელი: ძალიან გაგვიჭირდება ფორმულა 1-ის ოთხგზის ჩემპიონი, "ფერარის" პილოტი სებასტიან ფეტელი, ჟურნალისტებთან მიცემულ ინტერვიუში, მოახლოებული რბოლის შესახებ საკუთარ პოზიციას აფიქსირებს. მისი თქმით, სერიოზულ რეზულტატზე ფიქრი "ფერარის" ძალიან გაუჭირდება.

”მუჯელოში რბოლის უბრალოდ დასრულებაც კი Ferrari- სთვის კარგის ნიშანი იქნება. ყოველ შემთხვევაში, ჩემთვის ზუსტად ასეა. ცხოვრებაში არ არსებობს მოკლე გზა. ამ მდგომარეობაში ვართ, რადგან ალბათ, ამას ვიმსახურებთ. ეს მძიმე მომენტია, მაგრამ მე არ ვარ ერთადერთი ვინც ამ მოცემულობით იტანჯება. მთელი გუნდი წუხს. მე ყოველთვის მოვიაზრებ საკუთარ თავს, კოლექტივის შემადგენელ ნაწილად.

ბოლო რბოლაში პრობლემები შეგვექმნა. ბოლიდი 100 პროცენტით არ იყო გამართული. შესაძლოა, მუჯელოში ყველაფერი ოდნავ უკეთესად წარიმართოს, მაგრამ ეს არ ნიშნავს, რომ პოდიუმზე ვიქნებით. მოლოდინი ძალიან მცირეა"
- ციტირებს ფეტელის სიტყვებს GrandPX.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.