ფაბრიციო რომანო: "დორტმუნდი" 120 მილიონ ევროს ითხოვს

ფაბრიციო რომანო: "დორტმუნდი" 120 მილიონ ევროს ითხოვს ჯეიდონ სანჩოს მანჩესტერ "იუნაიტედში" გადასვლის საკითხი, დორტმუნდური კლუბის მკაცრი პოზიციის გამო იბლოკება. 20 წლის ინგლისელმა ფეხბურთელმა, იუნაიტედის" ხელმძღვანელობასთან, ჯერ კიდევ რამდენიმე თვის წინ შეათანხმა პირადი კონტრაქტის დეტალები.

სანჩოს ხსენებულ კლუბში გაწევრიანება სურს, მასთან მოლაპარაკებების დროს "წითელ ეშმაკებს" არასდროს ჰქონიათ რაიმე სირთულე.

დორტმუნდის "ბორუსია" მზად არის ნახევარმცველი 120 მილიონი ევროს გადახდის შემთხვევაში გაუშვას. თუ ეს მოთხოვნა არ დაკმაყოფილდება, სანჩო "შავ-ყვითელთა" რიგებში დარჩება - ამის შესახებ ინფორმაციას ჟურნალისტი ფაბრიციო რომანო, სოციალური ქსელის მეშვეობით გვამცნობს.

გასულ სეზონში 20 წლის შემტევს საოცარი სტატისტიკური მაჩვენებელი ჰქონდა. სანჩომ გერმანიის ჩემპიონატის 32 შეხვედრაში მიიღო მონაწილეობა, გამოირჩა 17 გატანილი გოლით და 16 შედეგიანი გადაცემით. ხსენებული ფეხბურთელი მანჩესტერ "იუნაიტედის" მთავარი სატრანსფერო სამიზნეა.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.