კრისტიან პულიშიჩი - ლონდონის "ჩელსის" ახალი ათიანი

კრისტიან პულიშიჩი - ლონდონის "ჩელსის" ახალი ათიანი ლონდონის "ჩელსის" ნახევარმცველი კრისტიან პულიშიჩი 2020/2021 წლების სეზონში, 10 ნომრიანი მაისურით იასპარეზებს. ამის შესახებ ინფორმაციას გამოცემა ESPN-ი Twitter-ის მეშვეობით გვამცნობს. ამერიკელმა შემტევმა სათამაშო ნომერი მას შემდეგ შეიცვალა, რაც ვილიანმა "არისტოკრატების" რიგები დატოვა და ლონდონის" არსენალის" შემადგენლობაში დაიდო ბინა.

ლონდონის "ჩელსის" 10 ნომერი ვილიანის საკუთრება იყო. სხვადასხვა დროს ამ ნომრის ქვეშ ასპარეზობდნენ ისეთი ფეხბურთელები, როგორებიც არიან ედენ აზარი და ჯო კოული.

კრისტიან პულიშიჩი ლონდონის "ჩელსის" რიგებში 2019 წლის იანვრის თვეში გამოჩნდა. მანამდე იგი დორტმუნდის "ბორუსიას" ღირსებას იცავდა. იმ პერიოდში სატრანსფერო თანხამ 60 მილიონი ევრო შეადგინა. 2019/2020 წლების სეზონში პულიშიჩმა 34 შეხვედრაში მიიღო მონაწილეობა. გაიტანა 11 გოლი და მიითვალა 10 შედეგიანი გადაცემა. ფეხბურთელი "ჩელსის" რიგებში 2024 წლის 30 ივნისამდე დარჩება.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.