ოფიციალურად: "ფიორენტინამ" ბონავენტურა გაიფორმა
საფეხბურთო კლუბ "ფიორენტინას" პრესსამსახურმა, "მილანის" ყოფილი ნახევარმცველის, ჯაკომო ბონავენტურას ტრანსფერის შესახებ გამოაცხადა. ფეხბურთელი თავისუფალი აგენტის სტატუსით სარგებლობდა, სწორედ ამიტომ ფლორენციელებმა ხსენებული ნახევარმცველი სრულიად უფასოდ გაიფორმეს.”მოგესალმებით "ფიორენტინას" გულშემატკივრებო. ბონავენტურა ჩვენთანაა!" - წერდა იტალიური კლუბის პრესსამსახური ტვიტერის ოფიციალურ გვერდზე.
"Un saluto a tutti i tifosi, Forza Fiorentina!" 🗣️
— ACF Fiorentina (@acffiorentina) September 8, 2020
Jack Bonaventura è qui!#ForzaViola 💜 #Fiorentina pic.twitter.com/TQYFCknn5b
ბონავენტურა "მილანის" შემადგენლობაში 2014 წელს გამოჩნდა. მანამდე იგი "ატალანტას" ღირსებას იცავდა. იმ პერიოდში ტრანსფერმა 5,3 მილიონი ევრო შეადგინა. 31 წლის ფეხბურთელმა გასულ სეზონში 29 მატჩში მიიღო მონაწილეობა. გაიტანა 3 გოლი და მიითვალა 5 შედეგიანი გადაცემა.