ოფიციალურად: პატრიკ შიკი ლევერკუზენის "ბაიერის" ფეხბურთელია

ოფიციალურად: პატრიკ შიკი ლევერკუზენის "ბაიერის" ფეხბურთელია საფეხბურთო კლუბ "რომას" შემტევი, პატრიკ შიკი ამიერიდან ლევერკუზენის "ბაიერის" ღირსებას დაიცავს. ტრანსფერი ოფიციალურად დაადასტურა გერმანული კლუბის პრესს-სამსახურმა. შიკი "ფარმაცევტების" რიგებში 2025 წლის 30 ივნისამდე იასპარეზებს. ცნობილია გარიგების ფასიც. "ბაიერს" აღნიშნული ტრანსფერი 25 მილიონი ევრო დაუჯდება.

შიკი "მგლების" შემადგენლობაში 2017 წლიდან გვევლინებდა. 2019/2020 წლის სეზონი, ამ ფეხბურთელმა არენდის წესის საფუძველზე "ლაიპციგის" რიგებში გაატარა. მან გერმანიის ჩემპიონატში ჩატარებულ 22 შეხვედრაში 10 გოლი და 2 ასისტი მიითვალა. 2016 წლიდან პატრიკი ჩეხეთის ეროვნული ნაკრების ღირსებასაც იცავს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.