«მანჩესტერ სიტი» ანხელინიოს 30 მილიონ ევროდ აფასებს

«მანჩესტერ სიტი» ანხელინიოს 30 მილიონ ევროდ აფასებს Sky Sports-ის მიერ გავრცელებული ინფორმაციის თანახმად «მანჩესტერ სიტის» ესპანელმა განაპირა მცველმა, ანხელინიომ, არენდის წესით შესაძლოა კიდევ ერთი სეზონი გაატაროს გერმანულ «ლაიპციგში».

Sky Sports იტყობინება, რომ ამ მომენტისთვის მხარეები კონტრაქტში გამოსყიდვის პუნქტის ჩადებაზე მსჯელობენ. გავრცელებული ინფორმაციის თანახმად ქალაქელები 23-წლის ესპანელი განაპირა მცველის სატრანსფერო უფლებებს 30 მილიონ ევროდ აფასებენ.

ანხელინიო 2019/20 წლების სეზონის მეორე ნახევარში არენდის წესით იყო გასხვისებული «ლაიპციგში». ესპანელმა მცველმა 13 შეხვედრაში მიიღო მონაწილეობა. ანხელინიოს ანგარიშზე 1 გოლი და 2 შედეგიანი გადაცემაა.

transfermarkt-ის ინფორმაციით ესპანელი ფეხბურთელის მიმდინარე სატრანსფერო ფასი 20 მილიონ ევროდაა შეფასებული. ანხელინიოს მოქმედი კონტრაქტი «მანჩესტერ სიტისთან» 2023 წლის ივნისის ბოლომდე აქვს გაფორმებული.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.