Sport.es: ლიდსი რაფინიას უმიზნებს

Sport.es: ლიდსი რაფინიას უმიზნებს კატალონიის "ბარსელონას" ნახევარმცველი რაფინია ალკანტარა, შესაძლებელია ინგლისის პრემიერ ლიგაში ვიხილოთ. ამის შესახებ ინფორმაციას გამოცემა Sport.es ავრცელებს. წყაროს მტკიცებით, ფეხბურთელის მომსახურებით "ლიდს იუნაიტედია" დაინტერესებული.

ცნობილი ხდება, რომ კატალონიური კლუბი მზად არის ხსენებულ ფეხბურთელს 16 მილიონი ევროს სანაცვლოდ შეელიოს. ჟურნალისტი აცხადებს, რომ "ბარსელონა" თანხის დაკლებაზეც იქნება თანახმა. თავად ფეხბურთელი დაინტერესებულია, რომ ჩემპიონატში საკუთარ ძმასთან ერთად იასპარეზოს. გავრცელებული ცნობის თანახმად, ტიაგო ალკანტარა მიუნხენის "ბაიერნის" დატოვებაზე და "ლივერპულში" გადასვლაზე ფიქრობს -აღნიშნავს გამოცემა.

რაფინია ალკანტარა კატლონიის "ბარსელონას" რიგებში 2013 წლიდან ასპარეზობს. მისი მოქმედი ხელშეკრულება 2021 წლის 30 ივნისამდეა გათვალისწინებული. გამოცემა transfermarkt-ი ფეხბურთელს 9.5 მილიონ ევროდ აფასებს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.