მარინა გრანოვსკაია: ჰავერცი უდიდესი ტალანტია

მარინა გრანოვსკაია: ჰავერცი უდიდესი ტალანტია ლონდონის "ჩელსის" დირექტორი მარინა გრანოვსკაია, ლევერკუზენის "ბაიერის" რიგებიდან კაი ჰავერცის ტრანსფერს გამოეხმაურა. მან, ახალგაზრდა ფეხბურთელის მიმართ, საქებარი სიტყვები არ დაიშურა და აღნიშნა, რომ ჰავერცი ძალიან დიდი ტალანტია.

"კაი - მსოფლიოს მასშტაბით, საკუთარ ასაკში ერთ-ერთი საუკეთესო ფეხბურთელია. სწორედ ამიტომ ძალიან გვიხარია, რომ მისი მომავალი ლონდონის "ჩელსისთან" იქნება დაკავშირებული. მან დაამტკიცა, თუ რა შეუძლია, როდესაც ეს უკანასკნელი, ევროპის ერთ-ერთ საუკეთესო ლიგაში გამოდიოდა. ჰავერცი ასპარეზობს გერამნიის ეროვნული ნაკრების შემადგენლობაშიც. მისი ტალანტი დიდ შთაბეჭდილებას ახდენს. იგი პროგრესირებას განაგრძობს." - ციტირებს ლონდონის "ჩელსის" ოფიციალური ვებ-გვერდი მარინა გრანოვსკაიას სიტყვებს.

შეგახსენებთ, სულ რამდენიმე საათის წინ ლონდონურმა კლუბმა ოფიციალურად დაადასტურა კაი ჰავერცის ტრანსფერი. 21 წლის ნახევარმცველი "არისტოკრატების" რიგებში 2025 წლის 30 ივნისამდე დარჩება.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.