კონორ მაკგრეგორი ერთ-ერთი ყველაზე მაღალანაზღაურებადია

კონორ მაკგრეგორი ერთ-ერთი ყველაზე მაღალანაზღაურებადია ორ წონით კატეგორიაში UFC-ს ყოფილი ჩემპიონი, კონორ მაკგრეგორი, Forbes-ს ვერსიით ტოპ-100 ყველაზე მაღალანაზღაურებად ცნობილ ადამიანს შორის მოხვდა.

გამომცემლობის ინფორმაციით მიმდინარე წლის ივლისის მდგომარეობით კონორ მაკგრეგორმა 48 მილიონი დოლარის გამომუშავება შეძლო, რამაც ირლანდიელს საშუალება მისცა Forbes სიაში 53-ე პოზიცია დაეკავებინა.

აღსანიშნავია, რომ ნახსენები თანხის დიდი ნაწილი ირლანდიელმა დონალდ სერონესთან ბრძოლიდან მიიღო. ბრძოლის სანაცვლოდ მიღებული გასამჯელოს გარდა, რომელიც სატელევიზიო ტრანსლაციების გაყიდვების ჩათვლით 30 მილიონ დოლარზე მეტი იყო, UFC-ს ექს-ჩემპიონმა Reebok-გან დამატებით 5 მილიონი დოლარი მიიღო რეკლამისთვის.

დანარჩენი თანხა კონორმა ვისკის ბიზნესიდან მიიღო, თუმცა თავად ირლანდიელი ამტკიცებს, რომ ვისკიდან მიღებული შემოსავალი აღნიშნულ ციფრში გათვალისწინებული არ იყო.

«ყველას მადლობა მინდა გითხრათ - სინამდვილეში მე ნომერ პირველი ვარ. «Proper No. Twelve» გაყიდვები არაა გათვალისწინებული», - წერს მაკგრეგორი ტვიტერზე.

შეგახსენებთ, რომ Forbes-გასული წლის სიაში 47 მილიონი დოლარით კონორმა 65-ე ადგილი დაიკავა.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.