სულშერი დონი ვან დე ბეკის ტრანსფერს გამოეხმაურა

სულშერი დონი ვან დე ბეკის ტრანსფერს გამოეხმაურა მანჩესტერ "იუნაიტედის" მთავარი მწვრთნელი ოლე-გუნარ სულშერი, დონი ვან დე ბეკის ტრანსფერის შესახებ საკუთარ პოზიციას აფიქსირებს. მისი განცხადებით დონი ბრწყინვალე საფეხბურთო მახასიათებლებს ფლობს, რაც მას აუცილებლად დაეხმარება მომავალ მატჩებში.

"დონის აქვს ყველა საფეხბურთო მახასიათებელი იმისათვის, რომ ამ გუნდის რიგებში იყოს წარმოდგენილი. მას აქვს ნამდვილი ხასიათი, ეს მას დაეხმარება "მანჩესტერის" რიგებში წარმატებას მიაღწიოს. მისი მოედნის ხედვა, მასზე გადაადგილება, ის თუ როგორ კითხულობს იგი თამაშს... ჩვენს გუნდს აუცილებლად გააძლიერებს. მას ეს ტრანსფერი კიდევ უფრო ნიჭიერს გახდის. ჰოლანდიის ეროვნული ნაკრების რიგებში და ევროპაში, იგი ბოლო რამდენიმე წლის მანძილზე უმაღლეს დონეზე თამაშობდა. მასთან მუშაობის დაწყებას სულმოუთმენლად ველი."-აცხადებდა ნორვეგიელი სპეციალისტი.

შეგახსენებთ, მანჩესტერ "იუნაიტედმა" ხსენებული ფეხბურთელი 5 წლიანი ვადით გაიფორმა. კონტრაქტი ითვალისწინებს ხელშეკრულების გახანგრძლივების ოფციასაც. აღნიშნული გარიგება "წითელ ეშმაკებს" 45 მილიონი ევრო დაუჯდათ.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.