Calcio 24: ტონალი "მილანს" უახლოვდება

Calcio 24: ტონალი "მილანს" უახლოვდება საფეხბურთო კლუბ "ბრეშას" პრეზიდენტი მასიმო ჩელინო, ჟურნალისტებთან მიცემულ ინტერვიუში, სანდრო ტონალის შესაძლო ტრანსფერს გამოეხმაურა. შეგახსენებთ, ტონალისათვის ბრძოლაში არაერთი ევროპული კლუბია ჩართული, თუმცა ფავორიტად "მილანი" ითვლება.

"ვიცი, რომ ბეპე მაროტას, მართლაც სურდა ტონალის გაფორმება. იგი მას ძალიან აფასებს. ვფიქრობ სანდროს აგენტმა "ინტერთან" შეთანხმებას მიაღწია. იყო განცდა, რომ ეს ფეხბურთელი "ინტერში" გადავიდოდა, თუმცა დრო გადიოდა, სეზონი მოგვიახლოვდა და არაფერიც არ მოხდა. როდესაც საქმეში "მილანი" ჩაერთო, ტონალის უკვე არანაირი ვარიანტი აღარ აინტერესებდა. დიახ, მეც კარგი ურთიერთობა მაქვს მილანთან და უშუალოდ პაულო მალდინისთან."

"სანდრო ტონალით ინტერესდებოდა კატალონიის "ბარსელონა" და მანჩესტერ "იუნაიტედი", თუმცა თავად ფეხბურთელი "მილანს" აღმერთებს და უბრალოდ გაგიჟდა, როდესაც გაიგო, რომ ეს კლუბი მის აყვანას ცდილობდა. ის "მილანის" გულშემატკივარია. იანვრის თვეში "ბარსელონამ" 65 მილიონი ევრო შემოგვთავაზა, თუმცა ჩვენ არ მივიღეთ ეს წინადადება, ცოტა მოგვიანებით მანჩესტერ იუნაიტედმა 10 მილიონით მეტი შემოგვთავაზა, ვიდრე მილანმა " - ციტირებს მასიმო ჩელინოს სიტყვებს გამოცემა Calcio 24.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.