«იუვენტუსი» «ბარსელონას» ბონუსს სთავაზობს
ცნობილი სპორტული ჟურნალისტის ჯანლუკა დი მარციოს მიერ გავრცელებული ინფორმაციის თანახმად ტურინის «იუვენტუსი» კატალონიის «ბარსელონასთან» ლუის სუარესის ტრანსფერის შესახებ მოლაპარაკებებს განაგრძობს.ტვიტერის საკუთარ გვერდზე დი მარციო წერს, რომ იტალიურმა გრანდმა კატალონიელებს ლუის სუარესთან ვადაზე ადრე ხელშეკრულების გაწყვეტის სანაცვლოდ ფინანსური ბონუსი შესთავაზა.
#Juventus, capitolo #Suarez: al #Barcellona potrebbe andare indennizzo sotto forma di bonushttps://t.co/yanxa3dUnv
— Gianluca Di Marzio (@DiMarzio) September 2, 2020
გავრცელებული ინფორმაციის თანახმად ესპანური კლუბის ახალი მთავარი მწვრთნელი ლუის სუარესზე გათვლას არ აკეთებს. ურუგვაელს მოქმედი კონტრაქტი ბარსელონასთან 2021 წლამდე აქვს გაფორმებული.
transfermarkt-ის ინფორმაციით 33 წლის ფორვარდის მიმდინარე სატრანსფერო ფასი 28 მილიონ ევროს შეადგენს.
რამდენიმე სპორტული პორტალი იტყობინებოდა, რომ ლუის სუარესით დაინტერესებული «აიაქსიც» იყო, ჰოლანდიელები ურუგვაელ ფეხბურთელს წლიურ 3 მილიონ ევროს სთავაზობდნენ.
2019/20 წლების სეზონში 33-წლის შემტევმა ბარსელონას მაისურით ჯამში 36 შეხვედრაში მიიღო მონაწილეობა, ლუის სუარესის ანგარიშზე 21 გოლი და 12 შედეგიანი გადაცემაა.