Get French Football News: "მონაკომ" კევინ ფოლანდი გაიფორმა

Get French Football News: "მონაკომ" კევინ ფოლანდი გაიფორმა "ლევერკუზენის "ბაიერის" თავდამსხმელი კევინ ფოლანდი, ამიერიდან საფეხბურთო კლუბ "მონაკოს" ღირსებას დაიცავს. 28 წლის ფეხბურთელმა ფრანგულ კლუბთან 4 წლიან ხელშეკრულებას მოაწერა ხელი. ხსენებული მოიერიშე, წლიური ანაზღაურების სახით 11 მილიონ ევროს მიიღებს. ამ თანხაში არ შედის ე.წ ბონუსები. აღნიშნულ ინფორმაციას გამოცემა Get French Football News ავრცელებს.

კევინ ფოლანდი "ბაიერის" რიგებში 2016 წელს გამოჩნდა. "ჰოფენჰაიმის" შემადგენლობიდან, ხსენებული ფეხბურთელის გადმოყვანა "ფარმაცევტებს" 20 მილიონი ევრო დაუჯდათ. კევინმა ჯამში 115-ჯერ მოირგო "ბაიერის" მაისური. გახდა 45 გატანილი გოლის ავტორი. ინტერნეტ-პორტალი transfermarkt-ი ფოლანდს 28 მილიონ ევროდ აფასებს. რაც შეეხება კარიერის მანძილზე მის მონაგარს, იგი ასე გამოიყურება : 309 შეხვედრაში - 94 გატანილი გოლი.

"მონაკოს", მოცემულ მომენტში 4 ქულა აქვს მოგროვებული და საფრანგეთის ჩემპიონატის მესამე პოზიციაზე იმყოფება. შემდეგ მატჩი ფრანგებს 13 სექტემბერს აქვთ ჩანიშნული. ამ დღეს "მონაკო" "ნანტს" დაუპირისპირდება.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.
ზემოთ