The Guardian: "პარი სენ-ჟერმენს" ჰექტორ ბელერინი სურს

The Guardian: "პარი სენ-ჟერმენს" ჰექტორ ბელერინი სურს "პარი სენ-ჟერმენი", ლონდონის "არსენალის" მცველის ჰექტორ ბელერინის ტრანსფერით არის დიანტერესებული. ამის შესახებ ინფორმაციას გამოცემა The Guardian ავრცელებს. წყაროს მტკიცებით, კომუნიკაციის პირველი რაუნდი, გასულ კვირას, უკვე შედგა. ფრანგებმა ბრიტანელ კოლეგებს, ხსენებული გარიგების სანაცვლოდ - 25 მილიონი ევრო შესთავაზეს. მათი წინადადება ასევე ითვალისწინებს 5 მილიონი ევროს ბონუსებსაც.

ზემოხსენებული ფეხბურთელის მომსახურებით ასევე ინტერესდება ევროპის ორი ტოპ-კლუბი. მიუნხნეს "ბაიერნი" და ტურინის "იუვენტუსი". გერმანიის "რეკორდმაისტერი" ჰექტორ ბელერინს ბენჟამენ პავარის კონკურენტად მოიაზრებს. მოცემულ მომენტში "მეთობეების" პასუხი ბუნდოვანია. "არსენალის" მესვეურები არ არიან ჩამოყალიბებულები, სურთ თუ არა მათ საკუთარი რიგებიდან 25 წლის მცველის გაშვება -აღნიშნავს გამოცემა.

ჰექტორ ბელერინი "არსენალის" შემადგენლობაში 2014 წელს გამოჩნდა. მისი მოქმედი კონტრაქტი 2023 წლის 30 ივნისამდეა გათვალისწინებული. გამოცემა transfermarkt ფეხბურთელს 32 მილიონ ევროდ აფასებს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.
ზემოთ