ნიკოლო სკირა: ვიდალი "ინტერს" უახლოვდება
ცნობილი იტალიელი ჟურნალისტი ნიკოლო სკირა, "ტვიტერის" საკუთარ გვერდზე საინტერესო სიახლეს აქვეყნებს. მისი ინფორმაციით, კატლონიის "ბარსელონას" ნახევარმცველი არტურო ვიდალი, შესაძლებელია მილანის "ინტერის" რიგებში ვიხილოთ. წყაროს მტკიცებით, მოლაპარაკებები დასკვნით სტადიაზეა. ინტერი ხსენებულ ფეხბურთელს უფასოდ აიყვანს. მილანური კლუბი ჩილელ ნახევარმცველს 2022 წლამდე სთავაზობს კონტრაქტს. წლიური გასამრჯელოს სახით კი 6 მილიონ ევროს ჰპირდება.
არტურო ვიდალი "ბარსელონას" რიგებში 2018 წელს გამოჩნდა. მანამდე იგი მიუნხენის "ბაიერნის" შემადგენლობაში გვევლინებოდა. 2019/2020 წლის სეზონში არტურომ 33 შეხვედრაში მიიღო მონაწილეობა. გამოირჩა 8 გატანილი გოლით და მიიღო 6 ყვითელი ბარათი. როგორც დასავლურ პრესაში წერენ, "ბარსელონას" ახალი მწვრთნელი რონალდ კუმანი, ვიდალის მომსახურებით არ არის დაინტერესებული.
#Inter are in very advanced talks to sign Arturo #Vidal and could potentially get him on a free transfer from #Barça. His agent (F.Felicevich) is working to finalize the deal. Ready a contract until 2022 (€6M + add-ons/year) with option for another season. #transfers #FCB
— Nicolò Schira (@NicoSchira) August 31, 2020