Telefoot : კომანი "პარი სენ-ჟერმენის" შესახებ საუბრობს

Telefoot : კომანი "პარი სენ-ჟერმენის" შესახებ საუბრობს მიუნხენის "ბაიერნის" შემტევი ნახევარმცველი კინგსლი კომანი "პარი სენ-ჟერმენის" შესახებ საუბრობს. შეგახსენებთ, კომანი ჩემპიონთა ლიგის ფინალურ მატჩში ერთადერთ გოლის ავტორად მოგვევლინა, რომლის წყალობითაც გერმანულმა კლუბმა "პსჟ" მინიმალური ანგარიშით დაამარცხა და რიგით მეექვსედ მოიპოვა ევროპის ყველაზე პრესტიჟული საკლუბო ჯილდო. ჟურნალისტის მიერ დასმულ შეკითხვაზე ითამაშებდა თუ არა იგი "პარი სენ-ჟერმენის" შემადგენლობაში, კომანი შემდეგი შინაარსის კომენტარს აკეთებს.

"ეს რთულია. თუ ნეიმარი მარცხენა ფლანგზე თამაშობს... არა, ეს შეუძლებელია. "პარი სენ-ჟერმენი" ჩემს გეგმებში არ შედის. მომავალი 8-10 წელი მაღალ დონეზე თამაშს ვაპირებ, სწორედ ამიტომ ეს კარები არ უნდა დახურო. მაქვს გარკვეული მოგონებები, რომელიც ბავშობას უკავშირდება. არის ცუდი მოგონებებიც, თუმცა "პარი სენ-ჟერმენზე" მხოლოდ კარგ მოგონებებს ვინახავ საკუთარ გონებაში. ჩემთვის "პსჟ" მუდამ საყვარელ გუნდად დარჩება. მიუხედავად ამისა ვფიქრობ, რომ ამ გუნდიდან წასვლა სწორი გადაწყვეტილება იყო. რომ არა ეს გადაწყვეტილება, ალბათ ჩემპიონთა ლიგის მოგებას ვერ შევძლებდი. ეს არ ყოფილა მარტივი გადაწყვეტილება, თუმცა ყოველთვის მქონდა განცდა, რომ საკუთარი საფეხბურთო მახასიათებლები მაძლევდა იმის საშუალებას, დიდ კლუბში მეთამაშა."-ციტირებს გამოცემა Telefoot კინგსლი კომანის სიტყვებს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.