ნიკოლო სკირა: ხამესი "ევერტონის" რიგებში 4 წლით მიდის

ნიკოლო სკირა: ხამესი "ევერტონის" რიგებში 4 წლით მიდის მადრიდის "რეალის" კოლუმბიელი ნახევარმცველი ხამეს როდრიგესი, ინგლისურ საფეხბურთო კლუბ "ევერტონთან" 4 წლიან ხელშეკრულებას მოაწერს ხელს. ამის შესახებ ინფორმაციას ცნობილი იტალიელი ჟურნალისტი ნიკოლო სკირა "ტვიტერის" საკუთარ გვერდზე ავრცელებს. მისი მტკიცებით, როდრიგესი ინგლისის პრემიერ-ლიგაში 2024 წლამდე დარჩება.

მოცემულ მომენტში, მუშაობა ბოლო დეტალებზე მიმდინარეობს. ტრანსფერი უახლოეს დღეებში ოფიციალურად დადასტურდება. 29 წლის ფეხბურთელი სამედიცინო შემოწმებას, მომავალ კვირას გაივლის - აცხადებს სკირა.


ხამეს როდრიგესი "სამეფო კლუბის" რიგებში 2014 წლიდან ასპარეზობს. 2019/2020 წლის სეზონში მან 11 შეხვედრაში მიიღო მონაწილეობა და ერთი გატანილი გოლითაც გამოირჩა. გამოცემა Transfermarkt ფეხბურთელს 32 მილიონ ევროდ აფასებს. არენდის ხელშეკრულების საფუძველზე, მან ორი წელი მიუნხენის "ბაიერნშიც" დაჰყო.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.