ტაისონ ფიური ენტონი ჯოშუასთან ბრძოლისთვის მზადაა
WBC-ს მძიმე წონით კატეგორიაში ჩემპიონმა ტაისონ ფიურიმ boxingscene-თან ინტერვიუში განაცხადა, რომ მზადაა WBA, WBO, IBF და IBO-ს მძიმე წონაში მოასპარეზე ენტონი ჯოშუას დაუპირისპირდეს.«თუ უაილდერთან ბრძოლა არ გაიმართება მოდით დეკემბერში ჯოშუასთან მოვაწყოთ შეხვედრა. რატომაც არა? ეს კრივია, დავიწყოთ! მზად ვარ ახლავე შევუდგე მოსამზადებელ სამუშაოებს.
შემიძლია ჯოშუას დღეს საღამოსვე შევხვდე. მზად ვარ დღის ნებისმიერ მონაკვეთში ვეჩხუბო», – ციტირებს ფიურის სიტყვებს boxingscene.
შეგახსენებთ, რომ ფიურისა და ჯოშუას გუნდებმა უკვე მიაღწიეს ორ-მატჩიანი დუელის შესახებ შეთანხმებას, რომელიც 2021 წლისთვისაა დაგეგმილი.