ლიონმა მანჩესტერ სიტის მოუგო და 1/2 ფინალში გავიდა

ლიონმა მანჩესტერ სიტის მოუგო და 1/2 ფინალში გავიდა ჩემპიონთა ლიგის 1/4 ფინალურ ეტაპზე ლიონმა მანჩესტერ სიტი ანგარიშით 3:1 დაამარცხა და 1/2 ფინალის საგზური მოიპოვა. ანგარიში მაკსველ კორნიემ გახსნა საჯარიმოს ფარგლებს გარედან შესანიშნავი დარტყმულით. აღსანიშნავია, რომ ქალაქელებმა საჯარიმოს გარედან ბურთი ბოლოს 2018 წლის ნოემბერში გაუშვეს და რაც ყველაზე საინტერესოა მაშინაც ლიონს ეთამაშებოდნენ და გოლის ავტორიც კორნიე გახლდათ.

შეხვედრის მეორე ტაიმში კევინ დე ბრუინემ მოახერხა წონასწორობის აღდგენა.

შეხვედრის 75-ე წუთზე ლიონის რიგებში ცვლილებაზე მუსა დემბელე შემოვიდა. ოთხი წუთის შემდეგ ამ უკანასკნელმა ფრანგების დაწინაურება, ხოლო კიდევ 8 წუთში დუბლის გაფორმება მოახერხა.

მსოფლიოში კორონა ვირუსით გამოწვეული პანდემიური სიტუაციის გამო ჩემპიონთა ლიგის მატჩები 1/4 ფინალური ეტაპიდან მოყოლებული 1 შეხვედრით შემოიფარგლება. ამრიგად დღევანდელი გამარჯვებით ფრანგებმა 1/2 ფინალური ეტაპის საგზურის მოპოვება შეძლეს და მიუნხენის ბაიერნთან შეხვედრისთვის მოემზადებიან.

რეკორდმაისტერმა 1/4 ფინალურ ეტაპზე კატალონიელები გამანადგურებელი ანგარიშით 8:2 დაამარცხა. ლიონისა და მიუნხენური გრანდის დუელი 19 აგვისტოს გაიმართება.

მეორე ნახევარფინალური შეხვედრა ლაიპციგსა და პსჟ-ს შორის კი 18 აგვისტოს შედგება.

ფინალს ლისაბონი 23 აგვისტოს უმასპინძლებს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.