L'Equipe: ლიონელ მესის მამა მომავალ კლუბს ასახელებს

L'Equipe: ლიონელ მესის მამა მომავალ კლუბს ასახელებს L'Equipe-ს მიერ გავრცელებული ინფორმაციის თანახმად კატალონიის ბარსელონას არგენტინელი ფორვარდის, ლიონელ მესის, მამამ ხორხე მესიმ ის კლუბი დაასახელა, სადაც 33-წლის შემტევი კარიერის გაგრძელებას აპირებს.

წყაროს ინფორმაციით 28 აგვისტოს «პსჟ»-ს სპორტული დირექტორი ლეონარდო ხორხე მესის ესაუბრა. საუბრისას არგენტინელის მამამ განაცხადა, რომ მისმა შვილმა არჩევანი «მანჩესტერ სიტის» სასარგებლოდ გააკეთა და შესაბამისად პარიზში ტრანსფერი აღარ განიხილება.

შეგახსენებთ, რომ ლიონელ მესიმ უკვე გაუგზავნა კატალონიური გრანდის ხელმძღვანელობას კლუბის დატოვების მოთხოვნა. 33-წლის შემტევი ესპანური გუნდის ღირსებას მთელი პროფესიული კარიერაა იცავს.

2019/20 წლების სეზონში არგენტინელმა ბარსას მაისურით 44 შეხვედრაში მიიღო მონაწილეობა, მესის ანგარიშზე 31 გოლი და 24 შედეგიანი გადაცემაა.

Transfermarkt-ი ლიონელ მესის სატრანსფერო უფლებებს 112 მილიონ ევროდ აფასებს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.