«ინტერმა» შესაძლოა კოლაროვი გაიფორმოს

ცნობილი სპორტული ჟურნალისტის, ნიკოლო სკირას მიერ გავრცელებული ინფორმაციის თანახმად «ინტერი» «რომას» მცველის ალექსანდრ კოლაროვით ინტერესდება.

წყაროს ინფორმაციით იტალიური კლუბის მთავარი მწვრთნელი ანტონიო კონტე მიიჩნევს, რომ 34 წლის სერბი 3-5-2 სისტემაში იდეალური მარცხენა მცველია. აღსანიშნავია, რომ 34 წლის ფეხბურთელს განაპირა მცველის პოზიციაზეც შეუძლია თამაში.

transfermarkt-ის ინფორმაციით ალექსანდრ კოლაროვის მიმდინარე სატრანსფერო ფასი 5 მილიონ ევროს შეადგენს. სერბ მცველს მოქმედი კონტრაქტი რომაელებთან 2021 წლამდე აქვს გაფორმებული.

2019/20 წლების სეზონში ალექსანდრ კოლაროვმა ჯამში 42 შეხვედრაში მიიღო მონაწილეობა, სერბის ანგარიშზე 7 გოლი და 4 შედეგიანი გადაცემაა.

» წყარო