Il Messaggero: პასტორეს "ზენიტი" ეპატიჟება
როგორც გამოცემა Il Messaggero იტყობინება, საფეხბურთო კლუბ "რომას" ნახევარმცველი ხავიერ პასტორე, შესაძლებელია "ზენიტის" რიგებში ვიხილოთ. წყაროს მტკიცებით დედაქალაქური კლუბის თავკაცი პაოლო ფონსეკი, ფეხბურთელის მიმართ არანაირ ინტერესს არ იჩენს და სავარაუდოდ პასტორე მიმდინარე სატრანსფერო პერიოდში "რომას" დაემშვიდობება.ხავიერის შეძენით, რამდენიმე კლუბია დაინტერესებული, მათ შორის სახელდება რუსული "ზენიტიც". პასტორეს კვლავაც მაღალი სახელფასო მოთხოვნები აქვს, თუმცა როგროც გამოცემა წერს, რუსული კლუბისთვის ეს პრობლემა არ უნდა იყოს. გარდა "ზენიტისა", ხსენებულ ნახევარმცველს, რამდენიმე არაბული კლუბიც ეპატიჟება.
სხვადასხვა ევროპული გამოცემები, ხავიერ პასტორეს მიმართ, "ზენიტის" ინტერესზე ჯერ კიდევ გასული წლის თებერვლის თვეში წერდნენ. როგორც გაირკვა, მაშინ თავად ფეხბურთელი გახდა ხსენებული ტრანსფერის წინააღმდეგი და იტალიაში დარჩენა 1,5 წლით გადაწყვიტა.