სეად კოლაშინაცი შესაძლოა შალკეში დაბრუნდეს

სეად კოლაშინაცი შესაძლოა შალკეში დაბრუნდეს Sky in Germany-ს მიერ გავრცელებული ინფორმაციის თანახმად ლონდონის «არსენალის» მცველი სეად კოლაშინაცი შესაძლოა გერმანიაში დაბრუნდეს.

წყაროს იტყობინება, რომ 27-წლის ბოსნიელი ფეხბურთელის სატრანსფერო უფლებებით გელზენკილხელნის შალკე 04-ია დაინტერესებული. ერთადერთი პრობლემა ფეხბურთელის ხელფასია, რადგან გერმანულმა კლუბმა ახალი ფეხბურთელებისთვის 2,5 მილიონიანი ზღვარი დააწესა.

შეგახსენებთ, რომ კოლაშინაცი შალკეს შემადგენლობაში 2012-2017 წლების სეზონებში ასპარეზობდა, რის შემდეგაც ბოსნიელი მეთოფეებს შეუერთდა.

2019/20 წლების სეზონში 27 წლის მცველმა ლონდონის არსენალის მაისურით ჯამში 32 შეხვედრაში მიიღო მონაწილეობა. კოლაშინაცის ანგარიშზე ორი შედეგიანი გადაცემა და 7 ყვითელი ბარათია. ბოსნიელ ფეხბურთელს მიმდინარე კონტრაქტი მეთოფეებთან 2022 წლის ივნისის ბოლომდე აქვს გაფორმებული.

transfermarkt-ი სეად კოლაშინაცის მიმდინარე სატრანსფერო ფასს 16 მილიონ ევროდ აფასებს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.