«ლეიკერსმა» «პორტლენდი» დაამარცხა

NBA-ს პლეი-ოფის პირველი რაუნდის მატჩში «ლეიკერსი» «პორტლენდს» დაუპირისპირდა და ანგარიშით 135:115 გამარჯვება მოახერხა. ფრანკ ვოგელის გუნდი სერიაში 3-1 იმარჯვებს.

როგორც მოსალოდნელი იყო, ლოს-ანჯელესურ გუნდში ყველაზე შედეგიანი ლებრონ ჯეიმსი გამოდგა, რომელმაც 30 ქულის მოგროვება შეძლო. «პორტლენდიდან» თავის გამოჩენა იუსუფ ნურკიჩმა მოახერხა, რომლის ანგარიშზეც 20 ქულაა.

გუნდებს შორის მორიგი დაპირისპირება 27 აგვისტოს თბილისის დროით 05:00 საათზე გაიმართება.

NBA პლეი ოფი
დასავლეთ კონფერენცია
პირველი რაუნდი

მეოთხე მატჩი

«პორტლენდი» — «ლეიკერსი» — 115:135 (25:43, 26:37, 36:32, 28:23)

სერიის ანგარიში: 1-3