Goal : მედისონი "ლესტერში" 2024 წლამდე დარჩება

Goal : მედისონი "ლესტერში" 2024 წლამდე დარჩება ჯეიმს მედისონი საფეხბურთო კლუბ "ლესტერის" შემადგენლობაში 2024 წლის 30 ივნისამდე იასპარეზებს. ამის შესახებ ინფორმაციას, ზემოხსენებული გუნდი საკუთარ ოფიციალურ ვებ-გვერდზე აქვეყნებს.

მოლაპარაკებების პროცესი წარმატებით დასრულდა. 23 წლის ფეხბურთელი, წლიური ხელფასის სახით 7,3 მილიონ ევროს მიიღებს. როგორც გამოცემა Goal იტყობინება, ფეხბურთელის შეძენით მანჩესტერ "იუნაიტედი" იყო დაინტერესებული.

ჯეიმს მედისონი "ლესტერ სიტის" შემადგენლობაში 2018 წელს გამოჩნდა. მანამდე იგი "ნორვიჩის" ღირსებას იცავდა. 23 წლის ფეხბურთელმა ინგლისის პრემიერ ლიგაში 31 შეხვედრა გამართა, მათგან 29-ში ძირითად თერთმეტეულში იყო წარმოდგენილი. გამოირჩა 6 გატანილი გოლით და 3 შედეგიანი გადაცემით.

განვლილი საფეხბურთო სეზონი "ლესტერმა" სატურნირო ცხრილის მეხუთე პოზიციაზე დაასრულა. ეს მაჩვენებელი იძლევა იმის საშუალებას, რომ კლუბმა ევროპის ლიგის ტურნირზე საკუთარი ძალები მოსინჯოს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.