Daily Mirror: «ბარსელონა» მესის სანაცვლოდ 700 მილიონს ითხოვს

Daily Mirror: «ბარსელონა» მესის სანაცვლოდ 700 მილიონს ითხოვს Daily Mirror-ის მიერ გავრცელებული ინფორმაციის თანახმად კატალონიის «ბარსელონა» მზადაა ლიონელ მესის შეელიოს, თუმცა თანხა, რომელსაც ესპანური გრანდი ასახელებს ფანტაზიის ყოველგვარ ზღვარს სცდება.

წყაროს ცნობით ბარსა 33 წლის მსოფლიოს ერთ-ერთი საუკეთესო შემტევის სანაცვლოდ 700 მილიონ ევროს ითხოვს. Daily Mirror-ს ინფორმაციით კლუბს, რომელსაც ლიონელ მესის შეძენის სურვილი ექნება თანხა სრულად უნდა გადაიხადოს.

«ბარსელონას» მესვეურები არგენტინელის შენარჩუნებას ფიქრობენ. 33 წლის მესის მოქმედი კონტრაქტი კატალონიელებთან 2021 წლის ივნისის ბოლომდე აქვს გაფორმებული.

უკვე გავრცელდა ხმები, რომ თუ მესი ბარსელონას დატოვებას გადაწყვეტს ფეხბურთელის შეძენის მთავარი პრეტედენტები «ინტერი», «პსჟ» და «მანჩესტერ სიტი» იქნებიან.

2019/20 წლების სეზონში ლიონელ მესიმ «ბარსელონას» მაისურით ჯამში 44 შეხვედრაში მიიღო მონაწილეობა. არგენტინელის ანგარიშზე 31 გოლი და 24 შედეგიანი გადაცემაა. transfermarkt-ის ინფორმაციით მესის მიმდინარე სატრანსფერო ფასი 112 მილიონ ევროს შეადგენს.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.